الأحد، 8 ديسمبر، 2013

عن حلمي ......






ايوه انا مستنياك  من زماااان وعارفه انك ممكن متجيش بس بردوا  لسه  متمسكه  بالخيط الرفيع اللي بيربطني بيك 


 انت اتأخرت وانا خايفة الحاجات الحلوة اللي جوايا تموت قبل مانت تظهر ومش عاوزة ابقي عايشه وخلاص بس انا عارفه ان كل شيء  مكتوب ولما ربنا يريد هتيجي 
 انا عارفه بردوا اني مفروض ابقي واثقة في ربنا زيادة عن كدا بس انا نفسي ربنا يكرمني بشوية صبر زيادة عشان اقدر اكمل واستناك
بس انت بتلعب بيا علي فكرة تظهرلي شوية وبعد كدا تختفي وتخليني افضل ادور عليك  

وانت عارف بردوا  انا جوايا انتنين بيتخانقوا مع بعض بسببك واحدة متمسكة بيك اوي وبتقول انك هتيجي 
والتانيه عماله تتريق عليها وتقولها بطلي عبط مفيش حاجة من اللي بتقوليه هتحصل 
وانا ساعات بصدق البنت الاولانيه وساعات الواقع بيفوقني ويقولي لا  البنت التانيه هي اللي صح
 ياااارب تكون بجد وتحققلي قريب بقي  
انا هضل حطاك جنبي عشان احضنك وابص فيك قبل مانام 

بس انت باذن الله هتيجي هتيجي....... انا مستنياك اهو




علي الهامش بقي : انا صحيح ليا فترة طويلة مكتبتش بسبب ظروف مريت بيها وقصرت من متابعة ناس كتير بس بجد انتوا وحشتوني جدا ويارب تكونوا كلكوا بخير  وادعولي

هناك 5 تعليقات:

أحمد أحمد صالح يقول...

حمد الله على السلامة، ويا رب الظروف إللي منعتك من التواجد تكون مرت على خير، وربنا يهون ويسهل كل أمورك، ولا تنقطع طلتك على عالم التدوين.

P A S H A يقول...

كل سنة وحضرتك طيبة وبألف خير وصحة وسعادة ورضا وراحة بال وسلام وإن شاء الله يكون عام جديد سعيد عليكي وعلى أسرتك الكريمة وتحققين فيه كل ما تتمنين
:)

أطيب تحياتي

zeze يقول...

السلام عليم ورحمة الله وبركاته شكرا لك استاذ احمد علي الدعوات ويارك الله فيك
واسفة علي التاخير في الرد
شكرا لمرورك الكريم

zeze يقول...

وانت بخير وسعادة عليك واهل بيتك اجمعين
ويارب يكون عام مليان طاعة وسعادة
بارك الله فيك

Tarkieb يقول...

حمد الله على السلامة