الأربعاء، 1 يناير 2014

امنيات للعام القادم ....

اولا ياريت كلنا ندعي انه السنة دي يتصلح حال البلد وينتهي الظلم ويولي علينا حاكم عادل يتقي الله فينا   امين 

بمناسبة السنة الجديدة بقي .....

عزيزتي السنة اللي خلصت <3  اولا :انا عرفت فيكي ناس جداد وانا مبسوطة بيهم اوي 
وحبيتهم كلهم لانهم يستاهلوا دا وحتي اللي عرفتهم من خلال الفيس 
بصراحة حسسوني اني اخت ليهم واني اعرفهم من زمان 
ثانيا : انا مبسوطة بيكي بردوا لاني عملت فيكي حاجات حلوة وعرفت فيكي معني الصحبة الصالحة اللي بتدلك علي الخير وعاوزاك دايما تكوني كويسة مع ربنا 
ثالثا بقي ودي اهم حاجة  :) 
اني اتخطبت فيها لانسان احسبه علي خير ولا ازكي علي الله احد 
بس مبدئيا ارتحتله واللي خلاني اعجب بيه صراحته ايوة صريح صريح يعني هههههههههه
بس دا طبعا ميمنعش انه مازال البحث جاري 
ونفسي بجد يكون هو فرحتي الكبيرة اللي بستناها من زمااااااااان 
اللي فات فات بقي خلينا في الي جاي .....
عزيزتي السنه اللي هلت علينا اقولك بقي 
يا حبيبتي انا عاوزة اعمل فيكي ايه 
اولا :هبدأ حيث انتهيت يعني ايه يعني نفسي خطيبي دا يكون ابن حلال كدا 
ويخاف عليا ويهتم بيا من ان دماغه عالية بس مش مهم هنحاول معاه بردوا 
لازم ياخد فرصته  :)
وابقي عايشة اجمل قصة حب بين زوجين واجي كل يوم اكتب عنها هنا 
قولوا امين بسرعة ونبقي اسرة سعيدة وحب ربنا وطاعته تجمعنا 
ثانيا بقي :نفسي احفظ القران وبثبته في قلبي ويجريه علي لساني امين

ثالثا بقي: نفسي اعمل حاجة مميزة فيكي تخلي ربنا يحبني ويرضي عني 
ويقول سبحانه وتعالي لملائكته اني احببت فلانة فاحبوها ويبسط لي القبول في الارض 
امين امين امين

رابعا بقي :اني اعمل فيكي  حاجات حلوة اكتر من اللي فاتت وابطل اعمل الحاجات الوحشة اللي انا عملتها في المرحومة اللي مشيت 
خامسا :اني اقرب اكتر من الناس اللي عرفتها السنه اللي فاتت واقدر ادخل السعادة علي قلوبهم الجميلة 
سادسا : اني مبعدش عن عالم التدوين زي ماعملت قبل كدا لاني كنت مبسوطة فيه اوي 
ويارب يارب يغفرلي زلاتي السنة اللي عدت ويعيني علي طاعته في اللي جاي امين 
واخيرا شكرا لكل الناس اللي دخلوا حياتي ولونوها .....
بحبكم في الله 
عندي امل وتفاؤل الحمد لله ويارب يفضل علطول 
ويارب يجعله عام طاعةوحب لرب العالمين  ورضا وسعادة من رب العالمين علي الجميع .. امييين

هناك تعليقان (2):

أحمد أحمد صالح يقول...

ما قبل البداية، آميــــن!
..
بداية كل سنة وانتي طيبة، ويا رب تكون سنة سعيدة عليكي وعلى كل حبايبك، ويا رب تحققي فيها كل إللي بتتمنيه وإللي بتسعي إليه :)
..
ألف مبروك على الخطوبة، وبارك الله لكما وبارك عليكما وجمع بينكما في خير، وربنا يجمعكم في خير ومودة وحب وسعادة، وتعيشي الحياة إللي نفسك فيها يا رب :)

zeze يقول...

استاذ احمد اولا ربنا يبارك فيك علي دعوتك الجميلة دي ولك بمثل ان شاء الله وريارب تكون السنة دي افضل عند ربنا وتحقق كل اللي بتحلم بيه باذن الله :)

شكرا لمرورك الكريم