الخميس، 30 مايو 2013

كلام واجعني

كانوا بيقولولي دايما هتلاقينا جنبك لما تحتاجينا 
طيب انا محتاجلكم دلوقتي وبصيت حواليا مش لاقيكم ولا حتي حاسة انكم حاسين باللي جوايا ،يعني هو لازم اتصل او اقولكم علشان  تسمعوني 
طيب مانتوا لو حاسيين بيا بجد مفروض تعرفوا اللي جوايا من غير ما اقول 
انا كنت بحاول ابقي قريبة اوي منكم وبحاول اخفف عنكم وكنت بتلكك علشان اكلمكم واسمع صوتكم واحاول اسعدك بس الحمد لله بردوا اني كنت بعمل دا لله مش ليكم 
بس بردوا انا موجوعة ،ليه انتوا مش بتعملوا كدا ،انا عارفةان الدنيا شغلاكم 
بس ليه ميبقاش ليا مساحة ولو صغيرة في حياتكم 
انا مش لازم اتكلم واقول اني تعبانة بجد كفايةتعبت، في حاجات مبقدرش اقولها ساعات 
محتاجة حد بس يطبطب عليا او يحضني ويقولي انا هنا متخافيش حتي لو باتصال هتفرق معايا كتير ..............
عارفين نفسي اصرخ بصوت عالي واقول كفاااااااااااية بس انا هقول "يارب "
 
انا عارفة اني كلامي دا ملوش لازمة لانكم لو حاسين بيا بجد يبقي مش محتاجة اقولكم حاجة اصلا ...........
 
بس انتوا فعلا وجعتوا قلبي :(((((((( 
 

هناك 11 تعليقًا:

ابراهيم رزق يقول...

عندليب متخفش من غنوتك
قول شكوتك واحكى عن بلوتك
الغنوه مش هتموتك
انما كتم الغنا هو اللى هيموتك
وعجبى!
قولى و اتكلمى و اصرخى حتى لو محدش حس باللى جواكى
يكفيكى انك خرجتى اللى جواكى

تحياتى

موناليزا يقول...

قوالي يااااااارب هو أحن عليكي من أي حد
تعرفي أوقات بحسها حب من ربنا
انه يبعد عنا ناس في عز احتياجنا ليهم علشان بس نرجعله ونعرف ان هو بس اللي لينا
ربنا بيحبنا وعايزنا نكون دايما معاه وقلوبنا متعلقة بيه هو وبس

faroukfahmy يقول...

الوقت لم يتغير يا زيزى انما الناس هيه اللى اتغيرت
فى الماضى كان الجار يسأل على جاره ويشاركه طعامه وفاكهته ومافراحه واحزانه
اليوم الاخ يهرب من اخيه خشية ان يطلب منه شيئا
هكذا الماضىوهكذا الخاضر وياخوفى من المستقبل
الفاروق

zeze يقول...

استاذ ابراهيم
فعلا انا مجرد ماكتبت اللي جوايا ارتحت نفسيا بس لما يكون في حد فاهمك بيوفر عليك الكلام
انا متشكرة اوي
بارك الله فيك

zeze يقول...

موني حبيبتي ربنا يباركلي فيكي يارب
فعلا ربنا كريم واكيد ليه حكمة في كل الي بيعمله لينا بس ساعات الواحد بيكون محتاج حد يتكلم معاه
بارك الله فيكي يا حبيبة

zeze يقول...

استاذي فاروق انا مبسوطة بزيارة حضرتك
فعلا البشر بتتغير بس يارب احنا نعلق قلوبنا بالذي يغير ولا يتغير

شكرا لمرورك
بارك الله فيك

;كارولين فاروق يقول...

سلامتك حبيبتي الف سلامه
معلش هي الدنيا كده
عارفه ليه علشان مانحبهاش قوي
ونفتكر ربنا دايما
مش انتي لوحدك اللي بتتعبي
من الناس احنا كلنا
تحياتي

zeze يقول...

ربنا يباركلك يا كراملة يا حبيبتي
الحمد لله علي كل شيء وربنا يحببنا في طاعته ورضاه امين
نورتي المكان :)

Do3aa El_attar يقول...

عندك ربنا يازيزي .. البشر دايمًا بيقربوا ويبعدوا .. لكن ربنا موجود .. دايمًا موجود :)

وعلى فكرة أنا هنا :)

رحاب صالح يقول...

ماما زيزي
انا جاية بس اقولك اني والله فعلا مشوفتش انك بعتيلي اضافة ع الفيس ...ابعتي وقوليلي انك انت عشان وانا مشغولة فعلا بالامتحانات جدااا ومش واخدة بالي من اي حاجة
دعواتك بقيوبالنسبة للبوست انا مش بعرف اشكي لحد غير ربنا وبس
نفسي احيانا اصرخ بصوت عالي بكل حاجة بس مش بقدر

نيللي علي يقول...

للأسف ( التوقع) متتوقعيش أن الناس تعمل نفس اللي بتعمليه معهم..لأن ببساطة كل إنسان عنده طبيعته وحياته اللي بتختلف عننا..متستنيش حد ومضيعيش وقتك في الإنتظار..أنت أسألي عليهم وشوفيهم مش يمكن هما كمان تعبانين ..

جربي وأديهم فرصة..

وربنا أحن من الكل.