السبت، 2 يونيو 2012

مخنوووقة وحتجنن

هو ايييه اللي بيحصل بالظبط !!!!؟؟؟؟
انا خلاااص مبقتش فاهمة حاجة يا بلد 
يعني ايه شفيق يفوز في الانتخابات 
وبعدين النكتة الاكبر ان علاء وجمال براءة 
والشرطة بريئة 
والعادلي ياخد مؤبد 
انا مش بتهم شرف القضاة 
بس نفسي افهم مين اللي قتل الشباب والناس اللي ماتت في الثورة ؟!
بجد نفسي افهم حاجة 
انا صحيح مفيش حد مات من عيلتي في الثورة 
بس انا حاسة باهالي الشهداء 
انا لما سمعت الحكم عيطت
انا قلبي موجووووع اووي
ونفسي اصرخ واقووول كفاااااااية 
بس اقوول لمين ؟؟!!
لشعبي الي اختار شفيق 
ولا للقضاء اللي واثقة فيه 
والمتهمين طلعوا براءة
يعني الحرامي الشاطر يقدر يسرق وينهب ويعمل اللي عاوزه 
في البلد والناس الغلابة اللي هما احنا 
بشرط ميسبش وراه دليل ولا تسجيلات صوتية ولا مرئية 
وان شاء الله حياخد براءة
يعني احنا بعد اللي بنعمله في نفسنا 
تفتكروا نستاهل مين يحكمنا ؟؟!!
وفي الاخر مش قادرة اقوول غير رحمتك يااااارب
"اللهم إنا نشكو إليك ضعف قوتنا، وقلة حيلتنا، وهواننا على الناس يا أرحم الراحمين أنت رب المستضعفين وأنت ربنا إلى من تكلنا إلى بعيد يتجهمنا أم إلى عدوٍ ملكته أمرنا إن لم يكن بك علينا غضبٌ فلا نبالي، ولكن عافيتك هي أوسع لنا، نعوذ بنور وجهك الذي أشرقت له الظلمات وصلح عليه أمر الدنيا والآخرة من أن يحل بنا غضبك أو ينزل بنا سخطك لك العتبى حتى ترضى ولا حول ولا قوة إلا بك."

هناك 14 تعليقًا:

حنين محمد يقول...

مساء الغاردينيا زيزي
مش عارفة اقول حاجة والله بس عاوزاكي تعرفي انه ريماس اختك جنبك
فضفضي وقولي الي في نفسك لاني حاسة بوجعك ووجع كل مصري
الي بيحصل مؤلم بجد حسبي الله ونعم الوكيل
دعواتي لمصر يارب تحفظها من الي بحصل دا
ربنا معاكم "
؛؛
؛
لروحك عبق الغاردينيا
كانت هنا
Reemaas

Bent Men ElZman Da !! يقول...

اللهم آمين

ربنا يستر بجد على اللى جاى
عشان دى مش حالتك بس
دى حاله الشعب كله
والله اعلم ده عواقبه هتبقى ايه !!

سواح في ملك اللــــــــــــــــــه- يقول...

انا بشوف اللي حصل ده خير

فقد عادوا المصريون لوحدتهم


ولم يعد هناك طوائف

او اختلافات

يمكن ده سبب لتوحدنا علي قلب رجل واحد

عسي ان تكرهوا شيئا وهو خير لكم

ظلالي البيضاء يقول...

السلام عليكم ورحمة الله

لعبة السياسة لعبة قذرة .. بل هي قمة في القذارة ..
وما انتخاب شفيق وبراءة جمال وأخيه ..
وحكم المؤبد إلا جزءاً من تلك القذارة التي تلطخ أهلها بالعفن ..

حسبنا الله ونعم الوكيل ..
وخير الدغاء ما دعوتِ ..
مع التحية الطيبة ..

دعاء العطار يقول...

رغم ان اللى بيحصل ده يبان شر بس عارفه انا حاساه خير اوى

كفاية اننا اتجمعنا من تانى يازيزى

طول مالميدان مليان طول مااحنا استحاله حد يهزمنا

" وعسى أن تكرهوا شيئاً وهو خير لكم "

وع فكره بقى انا بشكك ف نزاهة القضاء لان ده مش حكم يرضى ربنا لو عايز ادله هيلاقى بس للاسف مفيش استقالال للقضاء

ميمونة يقول...

أوجعتني يازيزي وانا حقاً موجوعة ومندهشة ،،، ربنا يصلح الحال وييسر الأمور ويولي عليكم خياركم وتنعم مصر بالرخاء والنعيم كما كانت هكذا يوما في زمن ربما لم نعش أحداثه ،، كانت مصر منارة للعلم اتمنى ان تعود كما كانت ،، اللهم آمين ،،
دعواتي لكم أهل مصر وربنا يجيب العواقب سليمة يارب :))
تحياتي وباقات ود وحب

غير معرف يقول...

مساء الورد زيزي

توكلوا على الله فهو حسبكم ونعم الوكيل

ومحاكمة مبارك ومن معه كانت مسيسة

وقلت من قبل سيتفجئ المصريون بالحكم

ورغم المؤبد سيخرج مبارك للعلاج في

اقرب بلد وبذلك تنتهي الحكاية و

سيستمر المجلس العسكري بالتدخل حتى

في حال انتخاب رئيس غير شفيق ...

رحم الله الشهداء

تحياتي وإحترامي

zeze يقول...

حبيبتي ريما
شكرا ليكي بجد وربنا يخليكي ليا
ويارب يصلح الحال وتنزاح الغمة
دي قريب
بارك الله فيكي

zeze يقول...

يارب يستر يادينا
ان شاء الله
ويسر اللي فيه الخير لينا

zeze يقول...

ان شاء الله يا استاذ خالد
يكون كلامك صح
وفعلا عسي ان تكرهوا شيئا وهو خير لكم

zeze يقول...

شكرا لك استاذ محمد
وان شاء الله ينصر اهلنا في سوريا
ويفرج عنا وعنهم الكرب
باذن الله
بارك الله فيك

zeze يقول...

حبيبتي دعاء
الحمد لله اننا اتوحدنا من تاني
وللاسف خايفة اشكك في زاهة القضاء
لانه كدا حتبقي خلاص كل حاجة
بقت مش كويسة
انا مش عايزة احس الاحساس دا
ربنا يستر

zeze يقول...

ربنا يخليكي يا ميمي
امين يارب
وربنا يباركلك يا حبيبتي

zeze يقول...

استاذ فارس
شكرا ليك بجد الواحد مرعوب
من التفكير في اللي ممكن يحصل
وارجع اقول
ومن يتوكل علي الله فهو حسبه
بارك الله فيك