نوما هنيئا

يا سلالالام

 نفسي احط راسي علي المخدة وانام نوم هادي 

مش هادي معناها اني بعاني من القلق  ومش عارفة انام

لأ ... انا قصدي اني اني احط راسي علي المخدة واني تكون

نفسي راضية ومفكرش في هموم اليوم ومشاغله واللي حصل فيه 

واني ارضي باللي ربنا كتبهولي مهما كان 

عارفين امتي ممكن يحصل دا؟

لما يكون ايمانا بالله كبير 

واننا نحاسب نفسنا قبل منام 

وطبعا نستغفر ربنا ونتوب اليه 

ونرد المظالم لاهلها 
يارب يقدرنا جميعا اننا نعمل دا

دا طبعا علشان الذنوب متكترش علي قلبنا 

والسواد يكترفيه ،والنور اللي فيه يقل

كما قال الله عز وجل "بل ران علي قلوبهم ما كانوا يكسبون"

فلما ننضفه اول بأول يفضل علطول منور ان شاء الله 

بنور ربنا 

وساعتها طبعا هيكون نومنا باذن الله هادي وسعيد

ومتنسوش قبل متناموا تقولو دعاء سيد الاستغفار تلات مرات

"اللَّهُمَّ أَنْتَ رَبِّي ، لا إِلَه إِلاَّ أَنْتَ خَلَقْتَني وأَنَا عَبْدُكَ ، وأَنَا على عهْدِكَ ووعْدِكَ ما اسْتَطَعْتُ ، أَعُوذُ بِكَ مِنْ شَرِّ ما صنَعْتُ ، أَبوءُ لَكَ بِنِعْمتِكَ علَيَ ، وأَبُوءُ بذَنْبي فَاغْفِرْ لي ، فَإِنَّهُ لا يغْفِرُ الذُّنُوبِ إِلاَّ أَنْتَ . منْ قَالَهَا مِنَ النَّهَارِ مُوقِناً بِهَا ، فَمـاتَ مِنْ يوْمِهِ قَبْل أَنْ يُمْسِيَ ، فَهُو مِنْ أَهْلِ الجنَّةِ ، ومَنْ قَالَهَا مِنَ اللَّيْلِ وهُو مُوقِنٌ بها فَمَاتَ قَبل أَنْ يُصْبِح ، فهُو مِنْ أَهْلِ الجنَّةِ » رواه البخاري 

ويكون اخر كلامكم كلمة "لا اله الا الله"

ارجومن الله لكم جميعا نوما هنيئا يكون قد غفر ما قبله من الذنوب 

علشان نفتح كل يوم صفحة جديدة مع ربنا

 وصلى الله على سيدنا محمد وعلى آله وصحبه وسلم ، ورضي الله عن أصحاب رسول الله أجمعين ، وحسبنا الله ونعم الوكيل